Blog de Belén Mosquera

        con ollos miudos 

OBRADOIRO DE PSICOMOTRICIDADE

As nenas e os nenos da Escola Infantil de Oza temos un obradoiro novo que se chama psicomotricidade. Neste obradoiro pasámolo  moi ben e gústanos moito porque nos deixan facer cousas que normalmente non podemos e que nos axudan a medrar ou, como din eles, axudan a un “desenvolvemento harmónico das nosas capacidades”…eles saberán…

         Ás veces imos ó obradoiro “somos locomotoras” ¡como mola!.  Déixannos correr, subir ó banco e saltar desde as alturas; damos reviravoltas na colchoneta, tirámonos polo chan, pasamos por un túnel… Tamén xogamos con pelotas, cordas, aros, globos e facemos equilibrios como no circo. Pero o  que máis me gusta de todo é cando nos descalzamos para xogar nas colchonetas aínda que as veces preciso axuda, especialmente, cando  papá me pon esas botas tan “difíciles”.

         E outras veces imos ó obradoiro “ARTE SAN”. ¡que ben o pasamos alí! Nos deixan tocar a pintura coas mans , rachar revistas,  poñer gomets, pintar con pincel, ensuciar o mandilón… Tamén facemos collares ,cosemos, xogamos coa plastilina e milleiros de cousas máis. A min gústame moito xogar cos puzzles e as construccións.

         En fin, din que facer estas actividades axúdanos a ser máis autónomos; eu non sei que quere dicir iso, pero o que sí sei é que  o paso pipa e, ademais, noto que cada vez camiño mellor e podo correr sen caerme tanto; podo ir ó baño eu só; collo mellor a culler e non me cae tanto a comida; casi podo poñerme a chaqueta… e moito máis… pero é que…
Quero facer tantas cousas!!!

QUEREMOS A PSICOMOTRICIDADE!!!