Hoxe bolboretas e tartarugas gozaron dunha sesión conxunta de xogo. Con só abrir as portas interiores da aula as posibilidades de xogo aumentaron e…., uns decidíronse polos disfraces, outros pola cociña e os cachariños, outros polos coches e o garaxe e ata se animaron a sacar a pasear aos bebés… ollade o ben que o estiveron a pasar:
Chegou unha nova amiga á escola. Chámase Lola e todos queremos xogar con ela. Axiña poñerémola guapa cos seus vestidos.
Onte a tarde comezamos co espazo das familias. Nesta primeira reunión quixemos coñecer cales son as inquedanzas de todas elas. Dende a galescola queremos darvos as grazas a todos por facernos sentir cordialidade, confianza e repecto.
Co gallo de celebrar a Semana das Letras Galegas o equipo educativo organizou unha serie de actividades que xiran en torno á música, os contos, e o teatro galegos, co obxectivo de achegar aos nosos cativos e cativas a cultura e folclore propios da nosa comunidade.Para poder levar a cabo toda esta labor contamos coa colaboración de familiares e amigos que se prestaron a demostrar as súas habilidades neste eido.
Luns 12 de Maio 
Hoxe temos que agradecer a Inma e Noela a fantástica actuación que ofreceron coa gaita e o saxofón.
Só temos que ver as olladas atentas dos nenos e nenas que con tanto interese escoitaron pezas tan enxebres como a “Muiñeira de Chantada”.
Cando soou o “Compás do Tren”, ate se decidiron a facer un gran tren que circulou por toda a escola.
E como non podía ser doutra maneira o noso humilde agasallo en forma de certificado de recoñecemento para as artistas de hoxe.
º º º º º º º º º º º º
Martes 13 de Maio
Fixemos un gran obradoiro con fin de elaborar o agasallo do día da familia que é este vindeiro xoves 15 de maio, xuntámonos e compartimos un tempo lúdico onde cada quen fixo un regalo distinto.
º º º º º º ºº º º
Directamente dende a Arxentina chegáronnos estas dúas mozas para contarnos un conto, facer globoflexia e ata bailar… Moitas grazas por vir Natalia e Clarita
Hoxe na galescola, despois de tanto cumple, aínda nos quedou un ratiño para poñernos mans á obra e plantar as sementes. Aínda que de momento non temos unha zona de horto isto non foi impedimento para facelo. Primeiro decoramos a nosas macetas e logo dispuxémonos coa plantación. Ollade…
Os barquiños de cáscara de noz fixeron unha primeira inmersión nun barreño probando a súa flotabilidade antes de comezar a súa botadura na nosa praia, dentro duns días cando xa estean preparados iranse a navegar…
Nesta Galescola senón é o xardín será outra cousa, estas educadoras andan a romper a cabeza para poñernos a traballar, isto non pode ser…. Pero vámolo deixar de fermoso que van botar as mans á cabeza…. que sorpresa van levar!!!!
Levamos uns días traballando os animais, imitamos os sons, a maneira de camiñar e para rematar a unidade decidimos facer un cisne e unha ovella para decorar a nosa galescola. A ovella dounos un pouco máis traballo porque se nos pegaba o algodón ás mans pero quedounos así de ben.