Galescola de Fene

   “ A única alternativa á guerra é a paz, e o único

camiño para a paz é a negociación”

GOLDA MEIR.

 Un bico e unha aperta

Irmáu

Camiñan ao meu rente moitos homes,
no nos coñezo. Sonme estranos.
Pero ti, que te alcontras alá lonxe,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmáu che falo.
Anque as nosas palabras sean distintas,
e ti negro i eu branco,
si temos semellantes as feridas,
coma un irmáu che falo.
Por enriba de tódalas fronteiras
por enriba de muros e valados,
si os nosos sonos son igoales,
coma un irmáu che falo.
Común temos a patria,
común a loita, ambos.
A miña mau che dou,
coma un irmáu che falo.

Celso Emilio Ferreiro

(do libro “Longa noite de Pedra”)

 ”Non hai camiños para a Paz, a Paz é o camiño”
“A violencia é o medo ós ideais dos demais”
“O que se obtén con violencia, só se pode manter con violencia”
“Non deixes que morra o sol sin que morran os teus rencores”

“Ollo por ollo e todo o mundo quedará cego”

Mahatma Gandhi

PINTAMOS CAMPAÍÑAS PARA  DECORAR UNHA ÁRBORE QUE APARECEU Á ENTRADA DA GALESCOLA.

GORROS, ZAPATILLAS,…

Canta roupa de inverno!

No inverno vai moito frío e trouxemos á Galescola  as nosas confortábeis zapatillas.

QUEN TEN UN GORRO COMA ISTE?

Sorrisos para o mundo.

Cor, cor ……vermello!

  TEMOS CARTAS NA MAN, QUEN VISITA A GALESCOLA?

Encántanos que veña xente !

VIVIMOS NUN MUNDO DE CORES!

A miña ovella axúdame no volteo!

Cantas cousas por ver tocar e experimentar!

Morfeo visita sempre a nosa Galescola.

NA GALESCOLA FENE TEMOS UN ARTISTA CHAMADO FERNÁNDO  QUE FIXO QUE TÓDALAS EDUCADORAS E CRIANZAS CANTARAN AO SEU SON.

As crianzas decoraron coas  educadoras uns traxes con gomets e a clave de sol para participar na actuación.

Tamén fixemos instrumentos!

AMARELO

Amarelo coma o maínzo, amarelo coma o sol, amarelo coma o marmelo amarelo coma o limón,…canto para  experimentar e aprender!

É un pouco difícil  debruzar no maínzo  pero que ben soa ao metelo na gabeta amarela.

         

—————————————————– 

Que ben saben os limóns do pais! 

 Despois de probar un anaco de limón decidimos que sería mellor tomalo en zume  botándolle un pouquiño de azucre.

NA GALESCOLA FENE NON PODIAMOS DEIXAR PASAR UNHA DATA TAN SINALADA.
CANDO SE PODERÁN GARANTIR ESTES DEREITOS NAS CRIANZAS DE CALQUER PARTE DO MUNDO?
CANDO DEIXARÁN DE EXISTIR MENIÑAS E MENIÑOS UTILIZADOS COMA ESCRAVOS SEXUAIS E LABORAIS?
CANDO DESAPARECIRÁ CALQUER FORMA DE MALTRATO AOS SERES MÁIS INDEFENSOS?
CANDO MILLÓNS DE CRIANZAS NON TERÁN ESCRITO O SINO DE FAME E MORTE ANTES DE NACER?
                  …

As crianzas divírtense pintando para que tódolos adultos non nos esquezamos  de loitar e denunciar o incumprimento dos dereitos das nenas e nenos de todo o mundo.

Canto nos gusta pintar !
A mestra dixo que hai outras nenas e nenos  que non teñen pintura nin pinceis e hoxe pintamos por eles.

Un aplauso e unha foto para as autoras e os autores.