A PRIMAVERA XA CHEGOU.
PRIMAVERA, PRIMAVERA
Todo volta e todo chega e así, paseniño, sen apenas decatarnos chegou chea de cores, aromas e matices a doce primavera.
Grazas a Antón, o xardineiro do Concello de Fene, temos un xardín matizado de flores de múltiples cores, formas e tamaños.
Quixemos recibir ben a primavera pero, tamén, despedir de forma divertida o inverno. O frío, representado nuns grandes icebergs de xeo, e as fermosas cores da primavera, atraveso de froitas no seu interior, fixeron brotar moitos sorrisos.
