Galescola de Fene

CONVERTÉMONOS EN… XARDINEIRAS E XARDINEIROS.
SANDRA VISITA A GALESCOLA (3 de marzo).

Temos días con tanto sol que nos enchemos de ledicia coma se fose primavera. Qué bonita é a primavera, agardámoste!

Sandra, que é a madriña de Roi, chegou á Galescola cargada de flores e non podían ser outras que  multicores primaveras.

Imos plantar!

Un pequeno caracol chegou agochadiño nas flores.

Auga fresca para que medren moito.

Ollade, entre as crianzas e as flores, que bonita foto de  despedida.

Bicos e apertas para Sandra.

PLANTANDO SEMENTES.

1-3 anos.

As crianzas trouxeron das casas pequenos botes, macetas e outros recipientes que as crianzas decoraron antes de plantar.

1-2 anos.

Que pequenas son as lentellas, as fabas,…escorregan das mans!

Polas tardes tamén facemos as actividades!

CONVERTÉMONOS EN… CARPINTEIRAS E CARPINTEIROS.
SERGIO VISITA A GALESCOLA (29 febreiro).

Chegou cargadiño e cunha caixa con rodas chea de ferramentas, o pai de Noa Romero. Traía o sorriso na faciana sabedor da sorpresa que tiña preparada para as crianzas.

Amosounos ferramentas; o taladro, o martelo,…..

Taladro ;-( ¿? ….Moitas crianzas manifestaran, con anterioridade, o seu medo ao forte son diste trebello. Dende a visita de Sergio xogan a facer  tremer as fazulas imitando tan reverberante son.

Foto tralo traballo feito.

Bicos e apertas para Sergio.

CONVERTÉMONOS EN… PANADEIRAS E PANADEIROS.
MARCOS VISITA A GALESCOLA (28 de febreiro).

Agardando ben xeitosas e xeitosos con gorros e mandís.

Cantas texturas; a fariña, a masa e ese irresistíbel  olor .

Amasando coma profesionais da cociña.

Mirade, mirade cantos boliños!

Adeus á cociña.

De volta do forno rico,rico.

Bicos e apertas para Marcos o pai de Noa Garrote.!!!!

MOITAS GRAZAS  PAN PERLÍO.!!!!

Traballando as profesións coas familias.
CONVERTÉMONOS EN PERRUQUEIRAS E PERRUQUEIROS.

VISITA Á PERRUQUERÍA DE JULIA (27 de febreiro).

Ollade con que ledicia, orde e expectación saímos cara a perruquería.

Subimos e baixamos pontes.

Cruzamos, como non, polo paso de peóns.

Acompañounos Protección Civil todo o camiño. Grazas!

Julia, a nai de Lucía, ensinounos todo o necesario para poñer guapa a Nuria.

Lavamos o pelo con auga morniña.

Gustounos moito usar o secador! Que estilazo!

Peites, tixeiras,…cantas cousas!

Crianzas e educadoras de recordo cunha uña pintada de morado.

Bicos e Apertas a Julia!!!!!!!!!!! 

GRAZAS!!!!!!!!!! 

Chegaron as crianzas a Galescola ca única bagaxe da seguranza e a protección da familia. Agora, con todo un novo mundo relacional,  tornámola ollada outra vez a vós.
Cinguimos, neste tempo, lazos de afectividade, comprensión e respecto mutuo que, sen dúbida, continuarán medrando e fortalecéndose.

Bicos e grazas  familias.

SEMPRE PRESENTES NA GALESCOLA

Aula 2-3.

Árbores xenealóxicas confeccionadas polas familias.

Aula 1-3 anos.

Aula 1-2 anos.

Aula 0-1 anos.

O ENTROIDO CONVERTEU Á GALESCOLA NUN OBRADOIRO ONDE TODA A COMUNIDADE EDUCATIVA FOI PARTÍCIPE DE XORNADAS DE CONVIVENCIA E COOPERACIÓN NA CONFECCIÓN DOS DISFRACES E NO POSTERIOR FESTEXO.

Grupo 2-3 anos.

Grupo 1-3 anos.

Grazas familias polo esforzo!

Trasnos, elfos e  cogomelos convertiron o centro nun mundo  máxico cheo de cor.

Nais, pais, crianzas, educadores e  educadoras con cadanseus disfraces  disfrutaron da congregación entroideira  degustando orellas, filloas  e todo tipo de larpeiradas ao ritmo da música.

   “ A única alternativa á guerra é a paz, e o único

camiño para a paz é a negociación”

GOLDA MEIR.

 Un bico e unha aperta

Irmáu

Camiñan ao meu rente moitos homes,
no nos coñezo. Sonme estranos.
Pero ti, que te alcontras alá lonxe,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmáu che falo.
Anque as nosas palabras sean distintas,
e ti negro i eu branco,
si temos semellantes as feridas,
coma un irmáu che falo.
Por enriba de tódalas fronteiras
por enriba de muros e valados,
si os nosos sonos son igoales,
coma un irmáu che falo.
Común temos a patria,
común a loita, ambos.
A miña mau che dou,
coma un irmáu che falo.

Celso Emilio Ferreiro

(do libro “Longa noite de Pedra”)

 ”Non hai camiños para a Paz, a Paz é o camiño”
“A violencia é o medo ós ideais dos demais”
“O que se obtén con violencia, só se pode manter con violencia”
“Non deixes que morra o sol sin que morran os teus rencores”

“Ollo por ollo e todo o mundo quedará cego”

Mahatma Gandhi

PINTAMOS CAMPAÍÑAS PARA  DECORAR UNHA ÁRBORE QUE APARECEU Á ENTRADA DA GALESCOLA.

GORROS, ZAPATILLAS,…

Canta roupa de inverno!

No inverno vai moito frío e trouxemos á Galescola  as nosas confortábeis zapatillas.

QUEN TEN UN GORRO COMA ISTE?

Sorrisos para o mundo.

Cor, cor ……vermello!

  TEMOS CARTAS NA MAN, QUEN VISITA A GALESCOLA?

Encántanos que veña xente !

VIVIMOS NUN MUNDO DE CORES!

A miña ovella axúdame no volteo!

Cantas cousas por ver tocar e experimentar!

Morfeo visita sempre a nosa Galescola.

NA GALESCOLA FENE TEMOS UN ARTISTA CHAMADO FERNÁNDO  QUE FIXO QUE TÓDALAS EDUCADORAS E CRIANZAS CANTARAN AO SEU SON.

As crianzas decoraron coas  educadoras uns traxes con gomets e a clave de sol para participar na actuación.

Tamén fixemos instrumentos!