Bitácora de Eva Santiago

Gustaríame facer unha reflexión sobre o meu curso, que todas as persoas que traballan nas escolas infantís imaxino que podedes comprender.

Dame a sensación de ter vivido un montón de cousas durante o curso,  pero de deixar moitismas máis sen traballar, é unha sensación extraña de querer facer e non dar feito todo. Queda moito que mellorar, queda moito que pulir, queda moito que introducir, queda moito que reflexionar, sobre as prácticas educativas, sobre os contidos… para facer ben o noso traballo. E paréceme moi complicado facelo antes de ter que introducirme nun novo curso. As presas, o apuro do traballo no día a día, fan que todo vaia moi rápido e cando nos decatamos, xa rematou todo.

Este curso, son educadora do grupo de maiores de 2-3 anos, teño unha fantástica parella educativa, Isa, que cousas da vida, é unha gran amiga dende hai xa máis de 10 anos, o destino xuntounos nos estudos de Educación Infantil, Educación Social e no traballo.

Aquí abaixo vou a poñer unhas fotos. Habitualmente vestimos algo mellor, non moito porque os salarios están moi baixos, pero que imos facer? Estabamos de Entroido.

Despois dunha pequena ou longa andaina, vai sendo hora de achegarme ao blog. Convídovos a que falemos e compartamos problemiñas de educadora a educador/a. Saúdos a todos/as

Esta é a miña primeira entrada no meu blog.
Podedes saber mais sobre min premendo na ligazón ‘Sobre min’ á dereita