Galescola de Pantón

Chega o inverno, e con él: o frio, os catarros, a gripe, a neve… Son moitas as cousas que lles hai que contar aos/ás nenos/as sobre esta estación do ano.

A primeira actividade que fixemos, foi facer unha boneca de neve; cando programamos esta actividade, alá polo mes de Agosto, pensamos que era unha boa idea facer unha boneca, é non un boneco, xa que iso é o que habitualmente se fai, e deste xeito, servenos para empezar a traballar coas diferenzas de xénero. O que non pensábamos, era que nos quedaría tan chula. Mirade as fotos:

Para traballar o día de reis, decidimos facer unha pequena asemblea cos/as nenos/as, falándolles dos reis, e dos agasallos que querían que lles trouxesen. Así mesmo aproveitamos para facer unhas pequenas fichas(elaboradas por nós) que tivesen como centro de interese os reis magos; nunha destas fichas traballaban o trazo de esquerda a dereita (unindo o rei co seu camelo) e na outra ficha tiñan que colorear os reis, traballando deste xeito a motricidade fina e a expresión plástica.

Presentámosvos a programación para o mes de Xaneiro; desculpade por non poñela antes, pero como estamos menos persoal, temos menos tempo para adicarlle o blog.

As actividades a desenrolar son as seguintes:

• O día de reis.
• A boneca do inverno.
• O mural do inverno.
• Nube xigante.
• O paraugas.
• Conto de Lolo e Nina.
• A pomba da paz.
• A coroa da paz.
• Preparación dos disfraces de carnavais.
• O compadre.

Para comezar, todo o equipo educativo, quere dar as grazas a tódolos pais e nais por asistir e por colaborar con nós, facendo, deste xeito, un día especial para todos/as e en concreto para os/as nenos/as.

Os/as nenos/as viñeron vestidos de pastorciños e pastorciñas; mirade que guapos/as estaban:

Cantamos panxoliñas e fixemos un pequeno baile; e durante a festa, tivemos unha visita inesperada, xa que nos visitou “PAPA NOEL”(grazas por vir), que traía uns agasallos para os/as nosos/as nenos/as. Como “Papa Noel” é moi bo, deixouse sacar unha foto, MIRADE COMO POSABA:

O agasallo que traía, era un pequeno boneco de neve, acompañado duns caramelos e doces; este era o boneco de neve (que estaba feito con la):

Nestas festas tan entrañables, todo o equipo educativo, quería ter un pequeno detalle cos pais e nais, polo que elaboramos un  agasallo. Cunhas oveiras pintadas polos nenos/as e decoradas cuns papeis de cores, fixemos un portafotos no que pegamos unha foto de cada neno/a. Agardamos que vos gustase:

Como nesta galescola gústanos moito o tradicional, e sobre todo a comida tradicional, pedimos os familiares dos/as nenos/as que trouxesen algún postre típico, e como son moi colaboradores, así o fixeron. Deste xeito, é para rematar a festa xuntámonos no comedor; mirade que ben o pasamos!!!!!

O equipo educativo desta galescola, quedou moi satisfeito do resultado desta festa, aínda que non todo saíu como se esperaba, xa que cós nenos/as todo é imprevisible. Ademáis hai que ter en conta, que se trataba da nosa primeira festa, tanto para nenos/as, como para pais/nais e para todo o equipo educativo, polo que en vindeiras ocasións procuraremos que todo esté un pouco mellor estructurado e que o resultado final sexa máis satisfactorio.

Seguiremos facendo este tipo de xuntanzas entre a familia e a galescola, pois parécenos que ésta é unha boa maneira de afianzar as relacións persoais, repercutindo directamente na educación dos nenos/as.

Esta é a árbore que cada neno/a levou para a súa casa.Despois tiñan que traela pintada ou adornada, coa axuda dos seus familiares, como máis lles gustase. Cando as árbores estaban de volta na galescola, tan só quedaba recortalas, e colgalas, facendo deste xeito a nosa guirnalda viaxeira.

O que pretendiamos con esta actividade, era, por un lado, compartir o traballo coas familias, e polo outro, facer un adorno navideño que representase a identidade de cada unidade familiar da que está composta esta escola. Aquí deixámosvos unha foto dun anaco da nosa guirnalda viaxeira: