Galescola de Pantón

Aproveitando o traballo feito o día da Paz, coa pomba da Paz, decidimos facer unha casa das pombas. Cunha caixa de cartón, e un pouco de pintura, puxémonos mans a obra:

Pintamos a caixa de diferentes cores coa axuda das esponxas:

Despois pegámoslle uns gomets e forrámola:

Por último tan só nos quedaba colocarlle unhas cordas e colgala na árbore do patio:

O obxectivo principal que nos planteaxamos con esta actividade foi: “O coñecemento do entorno natural: os seres vivos” intentando descubrir onde viven as pombas, como son, que comen…

Pero para que este obxectivo este completo de todo, faltaba un detalle final moi importante; que os/as nenos/as viran de preto unha pomba, e sobre todo, que a poidesen tocar. De maneira que Alba, trouxo unha grande pomba e os/as nenos/as puideron disfrutar dela:

Como todos ben sabemos, o pasado 14 de febreiro foi o día de San Valentín (día do amor); dende esta galescola, deixando a un lado a parte consumista que nos intentan inculcar os grandes centros comerciais, pensamos que sería unha boa idea, darlle un agasallo a cada pai/nai elaborado por cada neno/a.

Pretendendo transmitir deste xeito, a importancia que ten o poder elaborar un mesmo o seu propio agasallo e fomentando, xa dende moi pequenos, que existen moitos recursos para facer agasallos, sen a necesidade de mercar algo; isto parécenos moito máis valorable, xa que é un traballo que se fai coas propias mans (Educación para o consumidor).
A elaboración destes agasallos foi da seguinte maneira:

Cada neno/a decorou un folio (que fixo de sobre):

Despois pintaron os corazóns:

• De pasta branca:

• Pan de molde seco:

Por último decoraron a tarxeta (con bico incluído):

No que levamos de mes, tivemos a sorte de celebrar 2 aniversarios, o de Diego e o de Carla. Parabéns de parte de todo o equipo educativo.
O primeiro que celebramos foi o de Diego, que cumpría 2 anos; o seu pai tróuxonos unha tarta (graciñas). A verdade é que estaba moi boa e todos/as enchimos a nosa panciña; pero o que máis disfrutou de todos foi Diego. Mirade:

Pasados uns días, celebramos o aniversario de Carla, a nena máis maior da escola; cumpriu 3 anos e tamén fixemos unha gran festa, por suposto con tarta incluída; Mirade que contenta estaba Carla:

Elaboramos os traxes coa axuda dos máis pequenos; utilizamos bolsas de basura e material de refugallo:

SOMOS OS/AS INDIOS/AS DE PANTÓN:

Ademáis de disfrazarnos, como somos uns/as indios/as moi traballadores e moi golosos/as, fixemos unhas orellas. Moldeámolas coa forma tradicional e con outras formas diferentes.

O proceso foi moi sinxelo: primeiro manipulamos os distintos ingredentes para sentir as diferentes sensacións; despois amasamos; demos forma; e fritimos as orellas. Como non podía ser doutro xeito, ao final enchimos a nosa panciña. ¡Qué boas estaban!

Non fai falla explicar máis; deixemos que as fotos falen por si soas:

Por último, fixemos unha piñata con material de refugallo:

Con isto pechamos a festa do entroido; agardamos que vos gustase.

O xoves de comadres fixemos a comadre da nosa galescola. Os/as nenos/as, axudáronnos, e adornáronlle o pelo, pegando uns gomets de cor verde.

Con estas dúas actividades pretendíamos traballar o coñecemento das tradicións típicas desta zona, fomentando a participación nestas festas populares dende os primeiros anos.
Seguindo a tradición, tanto o compadre como a comadre, deberían ser queimadas; pero este ano, xa que son as primeiras que se elaboran nesta galescola, foron salvadas por votación popular, e permanecerán connosco ata o final do curso.