Galescola de Pantón

Presentámosvos este vermiño que forma parte dos centros de interese, xa que xunto con Lolo e Nina axúdanos a facilitarlle aos nenos e nenas a tarefa de aprender e coñecer mellor o mundo que nos rodea a través dos contos.
A maiores, o noso amiguiño sérvenos de apoio para coñercer a cor azul. Como observaredes, está feito con vasos de plástico que os nenos e nenas pintaron. Para darlle forma unímos estes vasos cunha corda, e puxémoslle: ollos, fuciño e perruca.

¡ A PINTAR !

¡ A XOGAR !

O pasado día 2 de Abril nesta galescola conmemoramos este día elaborando entre todos/as un libro no que o tema a tratar eran as cores, polo que fixemos uns debuxos relacionados con cadansúa cor , dándolle gran importancia as cores primarias (azul, vermello, amarelo e verde). Pasámolo moi ben e coa pintura de dedos nin vos contamos.

Despóis de darlle os últimos retoques o noso ” libro das cores” viaxou durante toda a semana polas casas dos nosos alumnos/as para que xunto cos seus pais e nais nos axuden a reforzar o coñecemento destas cores.

Hai uns días, Sara tivo a sorte de ter unha irmá que se chama Sofía. Agora, Sara ten que exercer de irmá maior e entre todas/os teremos que axudala nesta gran tarefa. Parabéns a toda a familia de parte de todo o equipo educativo.

O pasado día 12 de Marzo tivemos unha primeira reunión cas familias para explicarlles o proxecto e para descubrir cales eran os temas que lles gustaría tratar. A retirada definitiva do cueiro, a alimentación, os medos, as diferentes emocións (rabechas, celos…), o respecto aos demais… foron os temas máis solicitados.

Tendo en conta todas estas demandas, elaboramos a nosa programación definitiva do Espazo das familias; O primeiro obradoiro con nais/pais e nenas/os foi o día 2 de abril e o tema a tratar foi o da alimentación, levando por título “Merendamos na Galescola”.

TRABALLO PREVIO:

Como a merenda consistiría principalmente de froitas, un par de días antes á elaboración deste obradoiro, fixemos algunha actividade que tiña como centro de interese as froitas. Primeiro as manipulamos, descubrindo a gran variedade de formas, texturas e cores. E despois, con pintura de dedos, démoslle cor ás diferentes láminas de froitas.

“MERENDAMOS NA GALESCOLA”:

Este obradoiro dividíase en dúas partes ben diferenciadas:

Primeira parte: a intención era que entre nais/pais e nenas/os, elaborasen unhas brochetas de froitas, e un pequeno bocadillo, buscando principalmente a autonomía das nenas e nenos e o traballo das diferentes cores, formas, sabores e texturas. A verdade e que todas/os responderon moi ben e as/os nenas/os encantoulles a merenda; incluso querían repetir.

Segunda parte: nesta ocasión, mentres as/os máis pequenas/os estaban cunha educadora, os maiores gozamos dun bo café e dunha grata conversa sobre o sucedido durante a merenda (reaccións e autonomía das nenas e nenos) e tamén manifestamos as diferentes inquedanzas sobre a alimentación. O equipo educativo desta Galescola, é consciente da problemática que supón ter que elaborar e traer a comida tódolos días para as/os cativas/os, emporiso, coa intención de facilitar esta labor as familias, propuxémoslles, elaborar un menú semanal, entre todas/os. Ás nais e aos pais gustoulles a idea, e fixemos un menú para unha semana, como experiencia piloto. Na segunda reunión do Espazo das familias, decidiremos se continuamos con esta proposta ou non.

Grazas por vir a todas/os. Agardamos que vos gustase e contamos convosco para a próxima xuntanza.

Estas son as actividades que estamos facendo este mes:

• 1º obradoiro do espazo das familias.
• Facemos parellas.
• Día do libro infantil (libro das cores)
• Verme Lis.
• 2º obradoiro do espazo das familias.
• Xogo e aprendo.
• Festa da cor azul.
• Quebracabezas con material de refugallo.
• Conto de Lolo e Nina.
• A bolboreta máxica.
• 3º obradoiro do espazo das familias.
• Coñecemos o corpo.
• As flores.