Galescola de Pantón

Para celebrar este día, fixemos as seguintes actividades cas/cos nenas/os:

• As pompas de xabón: tendo en conta a baixa idade, e ante o perigo de que bebesen auga con xabón, preferimos que as pompas as fixese un/unha membro do equipo educativo. A verdade e que todo foron sorpresas e caras de ledicia cada vez que saía unha pompa, e todas/os a querían coller:

• Frío e quente: Con esta actividade pretendíamos que as/os nenas/os percibisen as diferentes sensacións que senten ao tocar a auga fría e quente. Independentemente, de como estaba a temperatura da auga, sen dúbida, o que máis lles gustou foi mollar as mans e os brazos:

• As ondas e as burbullas: coa axuda dunha palliña, as/os nenas/os tiñan que soprar na auga para facer as ondas ou as burbullas. Deste xeito, ademais de traballar coa auga, estamos conseguindo unha correcta respiración por parte de cada nena/o.

Por último, tan só nos quedaba baleirar a auga no caldeiro da fregona, para aproveitala para limpar, dado que se trata dun ben que non se pode malgastar, aínda que na nosa terra teñamos suficiente (de momento).

Coa finalidade de afianzar o coñecemento do vermello, decidimos realizar unha festa na que todo o que nos rodease fose de cor vermello. Ademais pedímoslle as familias que trouxesen a/o nena/o vestida/o con algunha prenda desa cor. Cantamos a canción da cor vermella, e bailamos ao seu son. Tamén fixemos o xogo “na búsqueda da cor … vermella” e comemos froitas desa cor (fresa, mazá); a verdade é que o pasamos moi ben tanto o equipo educativo como as/os nenas/os. A continuación amosámosvos unhas imaxes moi ilustrativas:

Despedimos o inverno e para darlle a benvida a Primavera fomos buscar flores cantando a canción da Primavera. Logo, na aula, fixemos unha árbore grande e pintámoslle unhas flores. Tamén estamos traballando no mural da Primavera, cando o teñamos preparado xa vos ensinaremos as imaxes no blog.

Continuando coa programación do mes de Marzo, presentamos o noso gran número dous elaborado con papeis de periódico. Con esta actividade, ademais de traballar con material de refugallo pretendemos que as/os nenas/os se familiaricen co número dous.

Para comezar, gustaríanos pedirvos desculpas por non poñer antes ningunha actividade no blog; como ben sabedes puxemos en marcha o espazo das familias e elaboramos o proceso para a elección do/da representante das familias da galescola, polo que non tivemos moito tempo. Intentaremos na máxima brevidade posible subir tódalas actividades feitas en Marzo, para poñer, canto antes, a programación do mes de Abril.

Para celebrar o día do pai, decimos elaborar uns bombóns, o proceso foi o seguinte:

Primeiro derretemos o chocolate (branco e negro) no microondas, para que as/os nenas/os descubran como cambia a textura e a forma do chocolate cando se derrete.

Despois, coa axuda dunha culler valeiramos o chocolate nas cubiteiras, para darlle forma aos bombóns:

Despois dun ratiño na neveira, o chocolate cambia de novo, de forma e de textura:

Agora, tan só nos quedaba por preparar o recipiente para gardalos; para iso, aproveitamos o cartón dos rolos de cociña. Forramos con papel de cores varios rolos, e despois  cortámolos a metade. Por último, envolvimos a caixa con papel de charol e metimos dentro os bombóns (agardamos que vos gustasen).

Este ano coincidíu o día do pai co inicio da semán santa, polo que tamén, lles demos uns bombóns para os/as nenos/as:

Pintaron unhas caixas para levar estes bombóns:

Mirade que ben lles quedaron: