Galescola de Pantón

A nosa primeira idea era realizar o magosto conxuntamente co alumnado do CEIP MONTE BALIÑO, pero debido á hora da celebración do mesmo (14:30) non o puidemos facer pois o noso alumnado tiña que durmir a sesta. A pesares de non facelo conxuntamente, o equipo educativo deste centro quere agradecer a boa predisposición do profesorado e dirección do centro.GRAZAS!

Polo tanto, tivémonos que poñer máns á obra e pensar nunha festa alternativa, na que puideran acudir os/as pais/nais e celebrar conxuntamente o magosto. Pero tampouco foi posible, pois tivemos unha baixa cuantitativa de alumnos/as que se puxeron enfermos, e como era lóxico, non íamos facer o magosto para 2 nenos/as soamente.

Decidimos que os/as nosos/as nenos/as non podían pasar sen facer esta celebración típica, de maneira que cando tivesemos máis da metade do alumnado celebrariamos o magosto dun xeito interno. Así o fixemos, por tanto querémosvos pedir desculpas a tódolos/as pais/nais por non invitarvos, pero prometémosvos que para Nadal faremos unha gran festa todos/as xuntos/as (contamos coa vosa colaboración).

Por fin conseguimos facer o noso magosto, e o resultado foi o seguinte:

Primeiro pintamos os recipientes onde cada neno/a levaría algunha castaña para compartir coa sua familia:

Despois, picamos e levamos a asar as castañas, que trouxo cada neno/a, á cociña do CEIP MONTE BALIÑO, que novamente prestáronse para axudarnos. GRAZAS DE NOVO! Mentres puxémonos guapos/as coa nosa coroa:

Comezou a festa e comemos castañas, cantamos cantigas populares e bailamos; aquí queda unha mostra de como papabamos nas castañas:

Cando xa tiñamos a barriga chea,e como o alumnado deste centro é moi aplicado, pelamos todas as castañas sobrantes e enchimos todos os recipientes. ¡QUE CONTENTOS SE VAN POÑER NA CASA! Tamén limpamos todo o que ensuciamos, xa que non nos gusta ver todo tirado e sucio.

E como todo o bo ten que rematar, o noso magosto tamén tocou a sua fin, agardamos que vos gustase.

Hoxe usaremos por primeira vez na galescola a pasta branca, de maneira que todos/as están inquedos/as por comezar. Imos facer a nosa castaña, así que MANS A OBRA:

¡DÁMOSLLE FORMA!

Deixámolas secar e ¡PINTÁMOLAS!

Despois tan so queda envolvelas ven e decoralas con follas e landras; isto evidentemente foi coa axuda dun adulto/a, neste caso a que lle deu o toque final foi Malena (graciñas)

Agora que se acerca o nadal, este pode ser un bo adorno para decorar a árbore navideña.

INGREDIENTES:

• Castañas.
• Azucre.
• Tona (nata).
• Vainilla.

ELABORACIÓN:

Quítaselle a cascara as castañas e cocense. Despois pélanse e bótanse nun recipiente para ser trituradas xunto co azucre a vainilla e a tona. O seguinte paso e pasalo a un prato e ¡A COMER!

A actividade parece moi sinxela, so hai que facer un gran verme poñendo unha castaña e despois unha landra, e así sucesivamente.

Poñendo esta foto, parecería que a actividade foi un éxito, pero verdadeiramente non foi así.
Cando programamos esta actividade, tiñamos as nosas dúbidas de que os/as nenos/as foran capaces de facela, dada a súa idade, e efectivamente non foron capaces. Se nós lle dabamos a castaña ou a landra, eles/elas a colacaban perfectamente, pero se lle preguntabamos cal era o froito seguinte que había que colocar (que realmente era o obxectivo desta actividade), non eran capaces de contestar.

O equipo educativo desta galescola, sabe que non todo o que se ten programado vai sair a perfección, e cando esto sucede, tamen nos gusta que as/os nais/pais o saiban.

Agardaremos a que avance o curso, a ver se os/as nenos/as máis maiores son capaces de facer unha actividade parecida.

Para poder facer esta landra xigante, o noso alumnado tívose que esforzar moito; pero como temos unhos/as nenos/as que son moi traballadores/oras conseguímolo. Ésta é unha mostra de como foi o proceso de elaboración:

Para que a nosa landra fose collendo forma, primeiro pegamos os papeis de cores:

Despois pegamos o algodón para que tivese algo de volumen; ata os máis pequenos se animaron:

Por último, tan so quedaba darlle algo de cor; pero sabiamos que non a podíamos pintar con pinceis ou coas mans, así que utilizamos o pulverizador dun producto de limpeza (despois de limpalo ben). Aquí está a foto:

O resultado xa se viu anteriormente, cremos que quedou bastante ben, así que tan so nos queda felicitar o noso alumnado. ¡Parabéns a todos!