Blog de Rocío Reguera

Un dos aspectos máis importantes na etapa de educación infantil, no primeiro ciclo, é a estimulación dos cativos. Esta actividade permítenos extender as posibilidades do seu corpo, tamén podemos utilizar os pés para pintar! Os nenos e nenas deben experimentar con diferentes materiais e tamén coas diferentes partes do corpo.

Ademais deste obxectivo, tamén traballamos a asignación de tarefas de limpeza ao rematar a actividade (lavar pinceis e brochas, recoller o lixo, axudarse a lavar os pés ou a secalos…) e traballamos ao mesmo tempo a cor azul.

Con esta actividade fomentamos tres tipos de expresión: a plástica,a oral e a corporal. Na nosa aula, debido ás características dos nenos e nenas que a compoñen, damos moitísima importancia ao traballo destas tres expresións.

E o máis importante é que “aprendemos xogando e divertíndonos”.

Na aula da que son titora a todo o mundo lle gusta “traballar”, aos nenos e nenas encántalles facer actividades, sobre todo se implican ensuciarse as mans ou utilizar a pintura líquida.

Ás profes tamén nos gusta moito o que facemos, por iso sempre buscamos actividades nas que, primeiro nos divirtamos e segundo consigamos os nosos obxectivos.

A seguinte actividade tivo, sen dúbida, un enorme éxito.

Consistía en encher bolsas de plástico con pintura e facerlles un diminuto buraco (aproveitamos que estabamos coa cor vermella e usamos a pintura desta cor).

Ao apertar a bolsa a pintura saía…que divertido!! Forramos unha mesa con papel e comezamos a facer a nosa “obra de arte”. Pasámolo moi moi ben, rimos e a verdade eque nos quedou bonita. Non credes?

Nenos e nenas, grazas polos vosos sorrisos cada día!

Disfraces, máscaras, antefaces…presentamos aos nenos/as este centro de interés dunha forma sinxela: chego unha mañá á galescola con varias revistas de disfraces. Os cativos comezan a ollalas abraiados.

Pregúntolles cal lle gusta a cada un para disfrazarse e ademais porqué. Uns queren ser médicos, outros pallasos, outros piratas….pero temos que poñernos de acordo. De que nos imos disfrazar os nenos/as e as mestras da aula 2-3 anos? De indios!!

E como son os indios?

As mestras buscan en internet fotos de indios e os nenos/as buscan nas revistas disfraces para ver como imos ir.

-Os indios levan unha pluma na cabeza e raias de cores pintadas na cara- dinme os nenos/as.

Pois mans á obra, pintamos unhas cintas para o pelo cunha pluma, as caras e…aquí chega a tribo india!

E como fan os indios? Isto é divertidísimo!

O martes de entroido fixemos unha gran festa coas mestras, os nenos e nenas e os pais, nais e familiares que quixeran vir (mágoa que eu non puiden asistir). Polo que me contaron foi unha xuntanza moi moi agradable, as mestras fixeron unha pequena actuación para os cativos e logo houbo degustación de pratos típicos do entroido, que trouxeron os papis, e parrafadas.

Os papis tamén viñeron disfrazados.

Grazas pola vosa colaboración.

Os nenos e nenas da aula de 2-3 da Galescola de Portas tamén celebraron o Día da Paz e da Non Violencia, o pasado 30 de xaneiro.
O día anterior e o propio día estivemos realizando “xogos cooperativos” na aula. Este tipo de xogos fomentan a colaboración entre os nenos e nenas, que deben cooperar entre eles para levar a cabo o xogo. Pretenden que todos e todas teñan a posibilidade de participar, sen discriminacións e que todo o grupo funcione como un conxunto.

Un exemplo e o que máis éxito tivo foi “Que non caia o globo!”, que consistía en que entre tódolos nenos e nenas da aula (incluída eu) golpearamos o globo para que non tocara o chan. Aquí vese claramente o obxectivo do xogo, cooperar para conseguir que o xogo se leve a cabo. E misión cumprida!

Ademais, os poucos nenos e nenas que había ese día (debido ao virus de estómago que non nos deixa tranquilos) quixeron realizar un mural para que os pais e nais o viran. Pasámolo moi ben e a verdade quedounos bonito.

Menudos artistas!

SORPRESA! As mestras planificamos unha saída cultural e debido ás fechas nas que nos atopamos decidimos ir visitar o “Belén artesanal en movemento”, que se expón no Concello de Valga.

Datos técnicos:

• Extensión: 200 metros cadrados
• Figuras: 1.200
• Figuras con movemento: 315
• Motores para mover as figuras: 127   
• Bombas de auga: 5
• Luces: 8.000 bombillas
• Cableado: 30.000 metros

Pero o máis fermoso é estar alí e velo, impresionante!

Comezamos a saída dende o principio…

Despois de haberlles mandado unha carta aos pais e nais pedindo permiso para ir, chegou o gran día. As mestras estabamos nerviosas e os nenos e nenas entusiasmados, sobre todo porque iamos ir en autobús (era do único que falaron na semana anterior á saída). Acompañáronnos ademais dúas mamás e o irmán dun dos nenos, que polo que me dixeron o pasaron moi ben e ademais foron dunha enorme axuda.

                        ¡Moitas grazas a Gabriel, Ana e Irene!

A pequena viaxe en autobús foi estupenda, os nenos e nenas ían encantados e as mestras e axudantes tamén, ademais todos eles se portaron xenial. 

                                        A VIAXE

Ao chegar entramos a ver o Belén, os nenos e nenas quedaron coa boca aberta, aquilo era “enorme”. A primeira figura que viron nada máis entrar aínda non se lle olvidou hoxe a ningún, foi esta:

O médico “poñendo unha pincha a un home que estaba enfermo”.

Alí había milleiros de figuras, e as que máis atraían aos nenos e nenas eran as que tiñan movemento, daba gusto verlles a cara de ilusión e escoitalos dicindo “mira profe, aquela muller está facendo unha empanada!”

Podería amosarvos centos de fotos porque a verdade paga a pena velo.

                                Unha de grupo, estes somos nós!

Premede neste enlace da páxina web do “Belén de Valga”, seguro que despois non poderedes negarvos o ir visitalo. Dende aquí animámosvos!!

                           http://belendevalga.org/

Enderezo:                                               HORARIO:

Rúa Nova, s/n                                        Luns a venres: 17:30 a 20:30

Campaña -Concello de Valga                  Sábados: 17:00 a 21:00

(Pontevedra)                                          Domingos e festivos:

                                                               12:00 a 14:00 / 17:00 a 20:30

Aberto do 2 de decembro de 2007 ata o 13 de xaneiro de

2008  (resto do ano previa concertación chamando ao 986.55.94.56-630.95.25.15)

Comezamos a ver cousas distintas, en Portas vemos moitas follas polo chan, xa poñemos abrigos e bufandas para vir á esola, case non podemos saír a xogar ao patio de fóra… os nenos e nenas dánse de conta dos cambios. Chegou o outono!!

Estivemos mirando as cores que hai agora no xardín: marrón, verde oscuro, amarelo…e fomos recoller unhas follas, landras e algún ourizo.

Xa na escola pintamos unhas follas parecidas ás que recollemos e puxémolas na árbore das estacións que temos na aula. Ademais fixemos uns ourizos que nos quedaron moi simpáticos, mirade! mirade!

 E que nos dicides do espantallo?Foi unha actividade de grupo coa que o pasamos moi ben, fixémoslle unha fermosa roupa con anacos de periódico e revistas, o pelo con lá, unha pouca palla nos pés e nas máns e…listo! Puxémolo a coidar das mazorcas que tanto traballo nos deron, pegando gran a gran cada millo.

Algúns pais e nais colaboraron nunha das actividades, unha pequeniña exposición que puxemos na entrada da escola, con elementos típicos deste tempo (cabazas, piñas, millo, carozos, mazorcas, follas, landras, noces, castañas…)

Por certo, a mesa é “creación propia” dos alumnos e alumnas da aula.

Na aula da que son titora xunto coa miña compañeira Ángeles (aula de 2-3 anos), celebramos os aniversarios os venres. Ese día facemos unha pequena festa na que os anfitrións son os nenos e nenas que cumpriron anos nesa semana.

Cada un trae da casa un pequeno biscoito, cantámoslle “cumpreanos feliz, cumpreanos feliz, desexámosche todos, cumpreanos feliz” e sopramos as dúas veliñas.

As mestras colócanlle unha coroa e… están guapísimos/as!

Nestes últimos meses cumpriron os dous aniños…

                              PABLO E MARIÑA

                                     DIMAS

                                      ALEX

                                        MARÍA

                                        AROA

Moitas felicidades a todos/as!! E para o 2008 a seguir cumprindo…

Benvidos/as ao meu blog, un espazo que me propoño que sexa “interesante” e que me axude a transmitir o entusiasmo que sinto pola miña profesión, para min a máis fermosa de todas.

Agradézovos as visitas que recibo, ao igual que agradezo os comentarios que me queirades deixar.

No apartado “Sobre min” poderedes coñecerme algo máis.

Este é o pimeiro día…pero haberá máis e mellores!!

Unha aperta